Hy het 'n plan. Hy soek die trop deur na 'n mammie-skaap waarvan die lammetjie net dood is. Hy slag die dooie dooie lammetjie af en trek die vel oor die lammetjie wat sy mammie verloor het. Julle kan in jul gedagte sien hoe die h erder dit doen. Dit lyk of hy vir die lammetjie 'n jassie aantrek, nie waar nie? Dan neem die herder die wees-lammetjie na die mammie-skaap waarvan die lammetjie dood is. Na sy die lam goed beruik het, besluit sy dat dit haar lam is en sy neem hom aan.Dit is 'n baie mooi illustrasie van wat die liefde van Jesus vir ons doen. Julle het al seker baie maal in die kerk gehoor dat die predikant sê dat Jesus ons bedek met die "kleed van Sy geretigheid". Miskien het Mammie al ook met julle daaroor gesels en het julle nie mooi verstaan wat sy bedoel nie.
Nou kan julle dit maklik verstaan, nie waar nie? Ons is soos daardie ou wees-lammetjie. As ons Jesus, die geslagte Lam, liefhet, dan word sy goedheid soos 'n mantel oor ons gegooi en Sy Vader n eem ons aan, nie omdat ons sy liefde verdien het nie, maar omdat Hy sien dat ons die heerlike goedheid van Sy eie Seun om het. So word ons "aangeneem in die Geliefde" en God verwelkom ons as Sy eie kinders.
Maar dit beteken nie dat ons nou maar kan doen wat ons wil nie. God neem ons aan op grond van wat Jesus vir ons gedoen het en deur Sy genade moet ons altyd probeer om Hom te behaag. Ons moenie tevrede wees om net uiterlik soos Jesus te lyk nie. God wil hê dat ons deur en deur soos Jesus moet lyk.
En dit is waar ons verskil van daardie wees-lammetjie. Hy dra daardie velletjie net vir 'n paar dae totdat sy nuwe mammie hom gewoond is. Maar ons moet die geregtigheid van Jesus gedurig dra en elke dag moet ons opwas in die skoonheid van Sy karakter totdat ons uiteindelik net soos Hy sal wees en ons Hom "sien soos hy is".
