Die waarde van 'n Glimlag

(Vind die Audio Weergawe onderaan die blad)


Slaaptyd stories
Deel EEN

deur Arthur S. Maxwell

Oom Attie se Slaaptydstories

Hoeveel ils 'n glimlag werd? vyf Sent, 'n vyftig sent of honderde Rande? Wel, dit is iets werd, is dit nie? Ja sekerlik, maar tog kan 'n mens nooit sê hoeveel 'n glimlag werd is nie, kan jy? As m ens dit kon doen, sou jy sy waarde dadelik afbring.  Tog is 'n glimlag soms baie waardevol.

Baie jare gelede het daar in een van die heel armste strate van New York 'n dogtertjie met die naam van Hannah gewoon. Sy was elf jaar oud en baie opgeruimd. Haar opgewekte gesiggie het baie vreugde in daardie agterstrate verskaf.

Eendag het Hannah na die sendingsaal in  hierdie arm deel gestap. Sy was al dikwels vantevore daar om dienste by te woon, maar hierdie keer moes sy self aan 'n program deelneem. Jy kan jou voorstel hoe bly sy gevoel het.

Nou het dit so gebeur dat daar 'n welbekende dokter daardie middag in die ghoor was, hy het altyd sendingwerk goed ondersteun. Of hy eensaam of treurig gevoel het daardie middag, sal niemand ooit weet nie, maar toe hy na Hannah se opgeruime gesiggie kyk, het dit sy hart op een of ander manier aangeroer. Toe draai sy om, kyk reguit na hom....en glimlag!

Nog nooit tevore het hy so 'n vriendelike gesiggie gesien nie. Hy het die saal baie gelukkige verlaat as wat hy dit binnegekom het. En hy het daardie glimlag nooit vergeet nie. Dit het by hom gebly totdat hy gesterf het.

Toe sy testament die dag gelees is, was die mense baie verbaas om te verneem dat hy al sy geld - en hy was 'n baie ryk man - nie aan sy familie bemaak het nie, want hy het geen familie gehad nie. Ook nie aan 'n hospitaal soos hulle verwag het nie, maar - om sy eie woorde te gebruik - "aan hulle wat my in my lewe gelukkig gemaak khet".

Op die lys was Hannah se naam, die klein dogtertjie wat vir hom twintig jaar vantevore geglimlag het. Hy het meer as R35 aan haar gemaak! Dink net: soveel geld vir 'n glimlag! Ek kan jou amper hoor sê: "Ek wens my glimlaggies was soveel werd." Maar weet jy: hulle is!

Dink aan wat hulle vir Pappie en Mammie beteken. Jou glimlag help hulle om hul laste makliker te dra en laat hulle ook langer leef. Is dit nie die moeite werd nie?

'n Glimlag laat die wiele van 'n huis soveel gladder loop, terwyl norsheid, skewe monde en lang gesigte soos gruis in die ratte is.

Wie hou nie van die seun of dogter wat glimlag wanneer dinge verkeerd loop, wanneer ander kinders hulle kwaad maak of hulle seerkry met speletjies nie? So 'n glimlag is baie meer werd as geld.

Sê byvoorbeeld jy glimlag eendag vir iemand wat mismoedig is en jy laat hom ook glimlag - hoeveel is dit nie werd nie? Jy mag dit nooit weet nie - maar dit mag miskien alles vir hom beteken - op die donker en eensame pad van die lewe. En daar is baie mense soos hierdie om ons, mense wat al moed opgegee het dat iemand ooit weer vir en met hulle sal glimlag.Daar is 'n lied wat sê: Daar is harte vol droefheid, vandag, en jy kan aan hulle die troos van die Here bring, deur hulle pad met 'n glimlag te verlig.

Gaan jy nie probeer kyk hoeveel goed jy kan doen deur te glimlag nie? Jy mag miskien nie geld daarvoor ontvang nie, maar geluk en blydskap sal jou loon wees.