# Afrikanerhart - die Trekpad van 'n Nasie

Vleisrolletjies

250           g            aartappels, geskil

250           g            uie

200           ml          water

1,5            kg          gemaalde beesvleis

15             ml           koljander

10             ml           gedroogde tiemie

5               ml           fyn kruienaeltjies

10             ml           sout

2               ml           peper

40             g             koekmeelblom

500           g             gesifte koekmeelblom

20             ml            bakpoeier

10             ml            sout

250           g              botter

4                               eiergele

125           ml             koue water

1                                eierwit

50             ml             melke

Metode:

Sny aartappels in kwarte. Gooi in 'n groot kastrol saam met uie en water en kook tot sag. Druk aartappels en uie fyn en voeg vleis en geurmiddels by. Meng en kook sonder deksel tot vleis gaar is. Strooi 40g meel bo-oor en roer baie goed. Kook 1 minuut, laat afkoel en plaas in koelkas om goed koud te word. Skep dessertlepelsvol en fatsoeneer in worsies van 5cm. 

Sif meel, bakpoeier en sout saam in 'n groot mengbak. Voeg botter by en vryf met die vingers in tot goed gemeng. Klits eiergele en water saam, voeg by en meng tot 'n deeg. Rol dun uit en sny in reghoeke van 6 x 10cm. Rol vleis daarin toe, plaas op 'n gesmeerde bakplaat en maak 3 skuins, vlak snytjies op elke rolletjie. 

Klits eierwit en melk saam en verf rolletjies hiermee. Bak 15 minute by 230°C. Lewer 5 dosyn vleisrolletjies. 

SA Topsites ::