# Afrikanerhart - die Trekpad van 'n Nasie

Richard se vuilgoedhoop

Richard was so opgewonde soos 'n hond met tien sterte. Hy wou altyd iets "uitvind", en nou het hy. Sy groot vuurballon, waaraan hy vir weke al aan werk, was byna gereed. Daar was nog net 'n paar dingetjies om te doen, en dan sou hy die watte onderaan aan die brand kan steek en kyk hoe die groot papiersak vol warm lug word en opstyg in die lug. 

Dit sou 'n onvergeetlike dag wees vir hom, want al sy vriende sou kom kyk na die affêre. Hy het hulle reeds alles daarvan vertel nog lank voor hy sy plan agtermekaar gehad het, en hy was seker dat hulle hulle oë nie sal kan glo as hy alles klaar het nie.