# Afrikanerhart - die Trekpad van 'n Nasie


 

soms, sommerso

rangskik jy alles

van groot na klein

boksies opgestapel

kruie flessies bymekaar

van links na regs alfabeties

etikette op plastiese houers

militêre presisie, lees soos

'n boek, netjies en skoon...

kyk ek na jou krulle

in jou hare wat 'n

haarkapster soek


soms, sommerso

sê ek gee vir my die pakwerk,

etikette en jou viltpen,

jou kortlys aankope...

wéét jy instinktief

ek voer iets innie mou

skimp en vis jy vir 'n vale....

sê ek oplaas ek't 'n afspraak

vir 'n full treatment by jou

haarkapster en 'n skoonheidsalon

alreeds betaal - jy moet net gaan


soms, sommerso

sien ek hoe geniet jy

die skielike verrassings

want jy wéét dit kos 

'n paar pond en buig

mens se budget kwaai -

dan kom treat jy my

silly content, maak

watertand geregte,

snoes in my arms

jou kop op my bors

liefdevol soos net jy kan


tel ek elke sterretjies

soms, sommerso

in jou oë...

© ENRiCUS