# Afrikanerhart - die Trekpad van 'n Nasie

Herderspastei

(8 Porsies)

500           g       gemaalde beesvleis

500           g       gemaalde varkvleis sonder vet

500         ml       sagte broodkrummels (2k)

250         ml       melk (1k)

1                        eier

1                        medium ui, gekap

1                        knoffelhuisie, gekap

10           ml       sout (2t)

                          knippie peper en 1 t Aromat

25           ml       Worchester sous (2e)

50           ml       blatjang (4e)

4                        medium aartappels


Metode:

Meng al die bestanddele, uitgesonderd die blatjang en aartappels. Druk liggies in 'n gesmeerde oondskottel. Bak 1½ uur lank in 'n koel oond (160C). Kook intussen die aartappels gaar, maak dit fyn en voeg sout, 'n stukkie botter of margarien en 'n biejtie melk by soos vir kapokaartappels.

Smeer die blatjang oor, en skep die kapokaartappels bo-op die vleis en maak met 'n vurk 'n growwe oppervlak. Bak in 'n warm oond totdat die aartappelpuntjies ligbruin is. 

(Joey Pienaar)

soms, moet jy

uitbreek, tas pak

en pad vat...

iewers weer mens

word waar jou hart

onbevange kån

asemhaal

jou oë wegraak

in panoramas,

vistas, kimme,

horison einders

waar laaste lig

in deinserigheid

mistig word

soms, moet jy

jou siel tyd gee

om vrede te vind

in stiller stiltes

waar jy jou eie

hartklop ritme

kan hoor

soms, moet jy

uitbreek, tas pak 

en pad vat...

iewers weer mens

word waar jou hart

onbevange kán

asemhaal

© ENRiCUS