# Afrikanerhart - die Trekpad van 'n Nasie

Boontjie Sop (6 Porsies)

500g          suikerboontjies

2,5 liter      water

1               sopbeen

125g          spekvleis, in blokkies gesny

15ml          sout (3 t)

2ml            peper

2                medium uie, in skywe gesny

5ml            gekapte pietersielie (l t)

Was die boontjies en week oornag in water. Dreineer en voeg die sopbeen en 2,5 liters water by. Kook stadig totdat die boontjies en vleis amper sag is. Voeg die ander bestandele, behalwe die pietersielie, by en kook 'n uur langer. Voeg die pietersielie by. Dien op saam met bruinbrood en botter

 VOOR OP MAJUBA BRAND ‘N LIG

As die nag skielik ontwaak

en ‘n enkel stof verstrooide ligstraal

die versmorende duister deurklief-

dan skyn geloof, hoop en liefde

as verblindende lig

waarvoor trane, seer en wanhoop

kragteloos móét swig.

In die donkerste uur

waar strompel tree

as folter metgesel, doods liggaam

vasgeketting jou lyf behang-

spoel genade op genade

soos ‘n vars lente stroom

oor die flarde gemoed

en bruis die lewe,

die skeppings mooi

opnuut deur die Koningskind se bloed.

…en jy weet…

Ek sal nie gaan lê nie,

ek weier om oor te gee,ek verbied nederlaag,

want ..ek is ‘n Boer,

Koningskind

So-as ek struikel,

stap ek weer voort;

as ek val -

staan ek weer op

want ..voor op Majuba brand ‘n lig!!

Gedigte van 'n Boer

© Boerius