(dag voor Donderdag wat op Dinsdag volg)

Genoem na een van die hoofgode in die Noorse mitologie, Odin, wat in Germaans as Wodan weergegee, dus is Woensdag "dag van Wodan". Hy was die god van wysheid, die digkuns en oorlog. Hy was ook die beskermgod van helde: Die gesneuweldes sluit by hom in Valhalla aan. Die wolwe Geri en Freki, en die rawe Huggin en Munnin was aan hom onderdanig. Sy perd, Sleipnir, het agt bene gehad, tande waarop Germaanse letters gegraveer was en die vermoë om deur die lug en oor die see te draf - 'n regte nagmerrie dus.

Die Aap in jou koffie
Afrikaanse Eponieme van A tot Z
Anton F. Prinsloo
ISBN 978-1-86919-463-5