www.myvolk.co.za

6 plays

© Amanda Strydom

https://itunes.apple.com/za/album/ek-loop-die-pad/726617554?i=726618130

https://tunein.com/radio/Radio-Kuber-Kontrei-s263337/

Posted 3 weeks ago

Vandag in die Geskiedenis: 30 April 1961

Adv. CR Swart se laaste dag as Goewerneur-generaal van SA

Die onafhanklikheidstrewe van die Nasionale Party was van die begin af in sy grondwet ingeskryf, en in 1934 is die betrokke art. 4 verander toe vir die eerste keer daarin bepaal is dat onafhanklikheid in ’n republikeinse staatsvorm verkry moet word.

Die hoof van so ’n staat sou President heet, maar tot met republiekwording was die staatshoof nog die Goewerneur-generaal. Adv. CR Swart, lank leier van die Nasionale Party in die Vrystaat en sy lewe lank vurige republikein, het op 12 Januarie 1960 die laaste Goewerneur-generaal van SA geword, ’n pos wat hy op hierdie datum neergelê het, hangende sy verkiesing tot die eerste Staatspresident van die Republiek van Suid-Afrika op 31 Mei 1961.

Posted 3 weeks ago
<p>Spotprent vir die Dag: 25 jaar later…<br/></p>

Spotprent vir die Dag: 25 jaar later…

Posted 3 weeks ago

Vandag in die Geskiedenis: 29 April 1875

Begin van die Dorslandtrek

Teen die tyd het ’n aantal Transvaalse Boere begin om Transvaal te verlaat op soek na ’n beter tuiste iewers in die onbekende binneland. Die eerste trekgroep het onder leiding van Gert Alberts gestaan en was deeglik georganiseer. Die elf families wat die voortou geneem het en wat later as ’n rampspoedige onderneming sou blyk, het daarin geslaag om met redelike sukses tot by die Ngamimeer te trek.

Dit was egter die groep wat hierna onder leiding van Jan Greyling en Louw du Plessis langs die Krokodilrivier versamel het, wat die grootste teëspoed sou ervaar. Na veel oponthoud het 480 blankes en ’n aantal bediendes met 128 waens en 1058 trekosse in April 1877 die Kalahari aangedurf. Van die begin was daar al onderlinge tweespalt. Boonop was die trek geheel en al te groot vir ’n roete waar water uiters skaars was.

Op plekke moes die water lepelsgewys uitgedeel word, of modder deur handdoeke en hemde gedruk word vir vogtigheid. Die meeste van die vee is in die proses verloor en 37 mense het die eerste twee maande hul lewens gelaat. Vele sou nog later sterf. ’n Derde, dog kleiner trek het kort hierna die Kalahari veilig deurgedring.

Maar die Trek as sodanig is eers grootliks beëindig toe grondgebied teen 1881 in Angola van die Portugese owerheid verkry is.

Posted 3 weeks ago
0 plays

© Coenie de Villiers

https://itunes.apple.com/za/album/daars-n-plek-feat-steve-hofmeyr/1417454043?i=1417454669

Posted 3 weeks ago

Vandag in die Geskiedenis: 28 April 1945

Die CNO-Bewaarskool word in Pietermaritzburg geopen

Die beperking op moedertaalonderrig het groot ontevredenheid onder die Afrikaners van Natal ontketen. Uit protes teen hierdie beperking van Afrikaans as taalmedium vir onderrig, is daar op 7 Februarie 1944 in die stadsaal van Pietermaritzburg onder luide applous eenparig besluit om ’n eie CNO-Bewaarskool in die stad te stig.

Kragte is gekoördineer, en die Nasionale Instituut vir Onderwys en Opvoeding van die FAK het in samewerking met die Natalse Aksiekomitee besluit om oor te gaan tot die aankoop van ’n geskikte perseel in Pietermaritzburg waar die CNO-Bewaarskool opgerig sou word.

Daar is daadwerklik oorgegaan tot die insameling van geld, en die nodige bedrag is spoedig ingesamel. ’n Gebou is vir die bedrag van £5 500 aangekoop, en op 28 April 1945 is die CNO-Voortrekker-Bewaarskool amptelik deur prof. JC van Rooy en dr. E Greyling geopen.

Posted 3 weeks ago
0 plays

© Pieter Smith

Posted 3 weeks ago

Vandag in die Geskiedenis: 27 April 1897

Chris Blignaut gebore

Met sy voordrag van ligte, humoristies Afrikaanse liedjies, wat hy self op die ukelele begelei het, het Chris August Blignaut groot populariteit geniet en die hele land in die twintiger-dertigerjare deurreis. Die plate wat hy gemaak het, het groot aftrek gekry en ’n groot rol gespeel om die Afrikaner se sanglus aan te wakker en hom aan te spoor om in sy eie taal te sing.

Hy is op 21 Julie 1974 oorlede. Die humoristiese en platvloerse het dikwels vir Afrikaans ’n deurbraak op nuwe terreine gemaak, omdat Nederlands aanvanklik gereserveer was vir die ernstiger, dieper dinge. In ’n tyd toe populêre sang gedreig het om heeltemal te verengels en die Afrikaner gekondisioneer is om sy eie taal te verag, het Chris Blignaut se vrolike en selfversekerde sang die volk aangegryp en die besef laat posvat dat dit lekker is om in Afrikaans te sing.

Posted 3 weeks ago
9 plays

© Tarryn Lamb

https://itunes.apple.com/za/album/vier-woorde/1419608465?i=1419608855

Posted 3 weeks ago

Vandag in die Geskiedenis: 26 April 1900

Dr. WHJ Punt gebore

Willem Henry Jacobus Punt is in Pretoria gebore. As seun van Hollandse immigrante, studeer hy aanvanklik aan die staatsgimnasium in Amsterdam en later in Pretoria, waar hy in 1918 matrikuleer. In 1923 behaal hy die BA-graad aan die Universiteit van Pretoria en twee onderwysdiplomas; in 1932 die MA-graad in Aardrykskunde en in 1953 die PhD-graad aan die Universiteit van Stellenbosch met sy baanbrekerswerk Louis Trichardt se laaste skof. Vanweë sy liefde vir die behoud van die historiese oudhede en erfenisse in Suid-Afrika word dr. Punt in 1959 beginner, stigter en direkteur van die Stigting Simon van der Stel, wat hom onder meer ten doel stel om belangrikste historiese geboue van sloping te red, te bewaar en te restoureer.

In 1974 tree hy uit as direkteur. Dr. Punt was stigter van die Louis Trichardttrek-Monumentfonds, wat hom en sy komitee in staat gestel het om die Trichardt-gedenktuin in die destydse Lourenço Marques aan te lê. In 1967 word hy deur die SA Akademie vir Wetenskap en Kuns met ’n erepenning vereer vir kultuurhistoriese prestasie, “vir volhardende navorsing, jarelange onvermoeide ywer, taai wilskrag en hooggestemde idealisme”. Dr. Willem Punt is ’n rustelose denker en ’n navorser by uitstek. Met meer as honderd wetenskaplike publikasies van kultuurhistoriese aard, word hy vandag geroem as een van die grootste kultuurhistorici wat Suid-Afrika nog opgelewer het.

Posted 3 weeks ago

Nuusdagboek 30 Maart

Posted by Paul Joubert on Thursday, March 30, 2017 Under: Ons Geskiedenis

Nuusdagboek 30 Maart


Afganistan
1855: Dost Mohammed, Afgaanse leier, onderteken 'n vredesverdrag met Brittanje.
Alaska
1867: Amerika koop Alaska vir 7,2 miljoen dollar by Rusland.
1965: 'n Aardbewing in Alaska registreer 7,3 op die Richterskaal.
Amassadeur
1893: Thomas Byard, eerste Amerikaanse ambassadeur in Brittanje, kom in Londen aan.
Bom
1965: Altesame 21 mense sterf en 156 word gewond to 'n motorbom voor die Amerikaanse ambassade in die voormalige Saigon, Suid-Viëtnam, ontplof.
Britse handel
1775: Die Britse parlement keur 'n wet goed wat Noord-Amerikaanse kolonies verbied om met enige ander land buiten Brittanje handel te dryf.
Doodsvonnis
1936:
Bruno Hauptmann se appel teen sy doodsvonnis misluk. (Hy is skuldig bevind aan die moord op die ontvoerde seuntjie van die vlieënier Charles Lindbergh.)
El Salvador
1980: Minstens 20 mense sterf tydens die begrafnis van die vermoorde rebelle-aartsbiskop Oscar Romero in El Salvador.
Geweld
1990: Samesprekings tussen Nelson Mandela van die ANC en die Zoeloeleier, hoofminister Mangosutho Buthelezi, om die geweld in swart woonbuurte te beëindig, misluk.
Grand Prix
1997: Jacques Villeneuve wen die Brasiliaanse Grand Prix.
Koninklike besoek
1947:
Die Britse koningsgesin soon saam met genl. J.C. Smuts 'n erediens in die Grootkerk, Bosmanstraat, Pretoria.
Krim-oorlog
1856: Die Krim-oorlog tussen Europa en Rusland eindig met die ondertekening van die Vredesverdrag van Parys.
Leiers
1966: Die Nasionale Party van dr. H.F. Verwoerd wen die algemene verkiesing. Dit is Verwoerd se laaste verkiesing voor die sluipmoord op hom 6 maande later.
1998: Victor Ciorbea, Roemeense premier, bedank weens druk oor ekonomiese hervorming.
Oscars
1955: Marlon Brando en Grace Kelly wen onderskeidelik die Oscar vir beste akteur (in On the Waterfront) en beste aktrise (in Country Girl).
1989: Die akteur Kurt Russel vra op Oscar-aand voor 'n televisie-gehoor van 1,5 biljoen mense sy mede-aanbieder, Goldie Hawn, om met hom te trou.
Sharpeville
1960: 'n Noodtoestand word afgekondig na die Sharpeville-skietery. In die Kaap masjeer sowat 30,000 swart mense na die parlement, waar hulle na onderhandelings met die polisie uiteengaan.
Sluipmoorde
1979: Airey Neave, Britse opposisiewoordvoerder, sterf in 'n motorbomaanval deur die Ierse Republikeinse Leër in Noord-Ierland.
1981: Pres. Ronald Reagan word in 'n sluipmoordaanval in Washington gewond.
Staking
1914: Sowat 100,000 mynwerkers in Brittanje staak.
Taal
1882: Jan Hofmeyr lewer 'n pleidooi vir die gebruik van Hollands as amptelike taal in die parlement, en daar is - teen die verwagting in - geen teenkanting toe dit voorgelê word nie.
Verdowingsmiddel
1842: In Amerkika gebruik dr. Crawford Long die eerste keer eter as verdowingsmiddel.

Nuusdagboek
Feite en Fratse oor 1000 jaar
Frikkie Wallis
ISBN 0-7981-4018-6


In : Ons Geskiedenis 


Tags: dost mohammed  thomas byard eerste amerikaanse ambassadeur in brittanje  zoeloeleier hoofminister mangosutho buthelezi  jan hofmeyr hollands as taal 
www.myvolk.co.za Logo