www.myvolk.co.za

6 plays

© Amanda Strydom

https://itunes.apple.com/za/album/ek-loop-die-pad/726617554?i=726618130

https://tunein.com/radio/Radio-Kuber-Kontrei-s263337/

Posted 3 weeks ago

Vandag in die Geskiedenis: 30 April 1961

Adv. CR Swart se laaste dag as Goewerneur-generaal van SA

Die onafhanklikheidstrewe van die Nasionale Party was van die begin af in sy grondwet ingeskryf, en in 1934 is die betrokke art. 4 verander toe vir die eerste keer daarin bepaal is dat onafhanklikheid in ’n republikeinse staatsvorm verkry moet word.

Die hoof van so ’n staat sou President heet, maar tot met republiekwording was die staatshoof nog die Goewerneur-generaal. Adv. CR Swart, lank leier van die Nasionale Party in die Vrystaat en sy lewe lank vurige republikein, het op 12 Januarie 1960 die laaste Goewerneur-generaal van SA geword, ’n pos wat hy op hierdie datum neergelê het, hangende sy verkiesing tot die eerste Staatspresident van die Republiek van Suid-Afrika op 31 Mei 1961.

Posted 3 weeks ago
<p>Spotprent vir die Dag: 25 jaar later…<br/></p>

Spotprent vir die Dag: 25 jaar later…

Posted 3 weeks ago

Vandag in die Geskiedenis: 29 April 1875

Begin van die Dorslandtrek

Teen die tyd het ’n aantal Transvaalse Boere begin om Transvaal te verlaat op soek na ’n beter tuiste iewers in die onbekende binneland. Die eerste trekgroep het onder leiding van Gert Alberts gestaan en was deeglik georganiseer. Die elf families wat die voortou geneem het en wat later as ’n rampspoedige onderneming sou blyk, het daarin geslaag om met redelike sukses tot by die Ngamimeer te trek.

Dit was egter die groep wat hierna onder leiding van Jan Greyling en Louw du Plessis langs die Krokodilrivier versamel het, wat die grootste teëspoed sou ervaar. Na veel oponthoud het 480 blankes en ’n aantal bediendes met 128 waens en 1058 trekosse in April 1877 die Kalahari aangedurf. Van die begin was daar al onderlinge tweespalt. Boonop was die trek geheel en al te groot vir ’n roete waar water uiters skaars was.

Op plekke moes die water lepelsgewys uitgedeel word, of modder deur handdoeke en hemde gedruk word vir vogtigheid. Die meeste van die vee is in die proses verloor en 37 mense het die eerste twee maande hul lewens gelaat. Vele sou nog later sterf. ’n Derde, dog kleiner trek het kort hierna die Kalahari veilig deurgedring.

Maar die Trek as sodanig is eers grootliks beëindig toe grondgebied teen 1881 in Angola van die Portugese owerheid verkry is.

Posted 3 weeks ago
0 plays

© Coenie de Villiers

https://itunes.apple.com/za/album/daars-n-plek-feat-steve-hofmeyr/1417454043?i=1417454669

Posted 3 weeks ago

Vandag in die Geskiedenis: 28 April 1945

Die CNO-Bewaarskool word in Pietermaritzburg geopen

Die beperking op moedertaalonderrig het groot ontevredenheid onder die Afrikaners van Natal ontketen. Uit protes teen hierdie beperking van Afrikaans as taalmedium vir onderrig, is daar op 7 Februarie 1944 in die stadsaal van Pietermaritzburg onder luide applous eenparig besluit om ’n eie CNO-Bewaarskool in die stad te stig.

Kragte is gekoördineer, en die Nasionale Instituut vir Onderwys en Opvoeding van die FAK het in samewerking met die Natalse Aksiekomitee besluit om oor te gaan tot die aankoop van ’n geskikte perseel in Pietermaritzburg waar die CNO-Bewaarskool opgerig sou word.

Daar is daadwerklik oorgegaan tot die insameling van geld, en die nodige bedrag is spoedig ingesamel. ’n Gebou is vir die bedrag van £5 500 aangekoop, en op 28 April 1945 is die CNO-Voortrekker-Bewaarskool amptelik deur prof. JC van Rooy en dr. E Greyling geopen.

Posted 3 weeks ago
0 plays

© Pieter Smith

Posted 4 weeks ago

Vandag in die Geskiedenis: 27 April 1897

Chris Blignaut gebore

Met sy voordrag van ligte, humoristies Afrikaanse liedjies, wat hy self op die ukelele begelei het, het Chris August Blignaut groot populariteit geniet en die hele land in die twintiger-dertigerjare deurreis. Die plate wat hy gemaak het, het groot aftrek gekry en ’n groot rol gespeel om die Afrikaner se sanglus aan te wakker en hom aan te spoor om in sy eie taal te sing.

Hy is op 21 Julie 1974 oorlede. Die humoristiese en platvloerse het dikwels vir Afrikaans ’n deurbraak op nuwe terreine gemaak, omdat Nederlands aanvanklik gereserveer was vir die ernstiger, dieper dinge. In ’n tyd toe populêre sang gedreig het om heeltemal te verengels en die Afrikaner gekondisioneer is om sy eie taal te verag, het Chris Blignaut se vrolike en selfversekerde sang die volk aangegryp en die besef laat posvat dat dit lekker is om in Afrikaans te sing.

Posted 4 weeks ago
11 plays

© Tarryn Lamb

https://itunes.apple.com/za/album/vier-woorde/1419608465?i=1419608855

Posted 4 weeks ago

Vandag in die Geskiedenis: 26 April 1900

Dr. WHJ Punt gebore

Willem Henry Jacobus Punt is in Pretoria gebore. As seun van Hollandse immigrante, studeer hy aanvanklik aan die staatsgimnasium in Amsterdam en later in Pretoria, waar hy in 1918 matrikuleer. In 1923 behaal hy die BA-graad aan die Universiteit van Pretoria en twee onderwysdiplomas; in 1932 die MA-graad in Aardrykskunde en in 1953 die PhD-graad aan die Universiteit van Stellenbosch met sy baanbrekerswerk Louis Trichardt se laaste skof. Vanweë sy liefde vir die behoud van die historiese oudhede en erfenisse in Suid-Afrika word dr. Punt in 1959 beginner, stigter en direkteur van die Stigting Simon van der Stel, wat hom onder meer ten doel stel om belangrikste historiese geboue van sloping te red, te bewaar en te restoureer.

In 1974 tree hy uit as direkteur. Dr. Punt was stigter van die Louis Trichardttrek-Monumentfonds, wat hom en sy komitee in staat gestel het om die Trichardt-gedenktuin in die destydse Lourenço Marques aan te lê. In 1967 word hy deur die SA Akademie vir Wetenskap en Kuns met ’n erepenning vereer vir kultuurhistoriese prestasie, “vir volhardende navorsing, jarelange onvermoeide ywer, taai wilskrag en hooggestemde idealisme”. Dr. Willem Punt is ’n rustelose denker en ’n navorser by uitstek. Met meer as honderd wetenskaplike publikasies van kultuurhistoriese aard, word hy vandag geroem as een van die grootste kultuurhistorici wat Suid-Afrika nog opgelewer het.

Posted 4 weeks ago

Nuusdagboek 16 Junie

Posted by Paul Joubert on Tuesday, June 13, 2017 Under: Ons Geskiedenis

Nuusdagboek 16 Junie

Alheit
1877: Ds. Wilhelm A. Alheit word bevestig as predikant op Colesberg: hy en sy dogter verdrink in 1910 op Kleinmond.

Balletdanser
1961: Rudolf Nureyev, balletdanser van Leningrad, kry politieke asiel in Frankryk toe personeel van die Russiese ambassade in Parys weier dat hy na Londen vlieg.

Bentley
1929: Bentley-motors neem die eerste 4 plekke in die Le Mans-24-uur-uithouwedren in.

Comrades
1998: Die Russiese atleet Dmitry Grishin wen die Comrades-marathon en ewenaar ook Bruce Fordyce se rekord wat 10 jaar lank gestaan het.

Federale Mynbou
1953: Federale Volksbeleggings en Bonuskor stig Federale Mynbou eperk, die eerste Afrikaanse mynboufinansierings- en eksplorasiemaatskappy.

Gholf
1996: Steve Jones wen die groot Amerikaanse Ope-gholftoernooi.

Gibraltar
1779: Spanje verklaar oorlog teen Brittanje en die beleg van Gibraltar begin.

Hongarye
1958: Imre Nagy, voormalige premier van Hongarye, word gehang weens sy aandeel in die revolusie van 1956.

Kaping
1948: Die eerste vliegtuigkaping vind plaas toe Chinese 'n vlug van Cathay Pacific probeer kaap. Dit misluk en die vliegtuig stort neer met selgs 'n enkele oorlewende - een van die kapers.

Napoleon
1815: Nagenoeg 12,000 Pruisiese soldate en 8,500 Franse sneuwel by Ligny, België, toe Napoleon se magte die Pruise verslaan in 6 uur lange geveg.

Onderwyskollege
1965: Die Bloemfonteinse Onderwyskollege word gestig nadat die kollege van die Universitiet van die Oranje-Vrystaat losgemaak is.

Parkering
1958: Die eerste geel strepe wat "geen parkering" aandui, word in Brittanje aangebring.

Pepsi
1903: Pepsi Cola word as 'n handelsnaam geregistreer.

Skeepsramp
1896: Die Drummond Castle sink by Kaap Ushant aan die Franse kus en slegs 3 van die 245 mense aan boord - 2 bemanningslede en 1 passasier - word gered.

Soweto
1976: Die Soweto-onluste breek uit na die besluit van die destydse suid-Afrikaanse minister van onderwys om Afrikaans as onderrigmedium in swart skole in te stel. Meer as 575 leerlinge sterf in die onrus wat hierop volg.

Sowjeleier
1983: Joeri Andropof word verkies tot president van die Sowjetunie.

Swede
1654: Koningin Christina van Swede doen afstand van die troon ten gunste van haar neef, Karel Gustaaf.

Terroriste
1972: Ulrike Meinhof, laaste lid van die Baader-Meinhof-bende wat nog op vrye voete is, word deur die Duitse polisie in hegtenis geneem.
1990: Die Belgiese polisie neem lede van die Ierse Republikeinse Leër in hegtenis weens die moord op Australiese toeriste in Nederland.

Vrou in ruimte
1963: Valentina Teresjkowa van die Sowjetunie word die eerste vrou in die ruimte toe sy in Wostok 6 gelanseer word.

Nuusdagboek
Feite en Fratse oor 1000 jaar
Human & Rousseau
ISBN 0-7981-4018-6

In : Ons Geskiedenis 


Tags: ds. wilhelm a. alheit  rudof nureyev  bruce fordyce en dmitry grishin  die bloemfonteinse onderwyskollege  nuusdagboek 
www.myvolk.co.za Logo