Ek wonder of jy soms

Posted by Paul Joubert on Monday, September 28, 2015 Under: Afrikaans: Gedigte
Ek wonder of jy soms, wanneer
Die wolke soos galjoene seil,
Dink aan die helder dae, toe ons
Kon loop deur songedrenkte lande?
Want niks was daar wat jou en my
In daardie dae meer kon verbly
As om te sien hoe, een vir een,
Hul dryf oor goudgeblekte lande,
Met skaduwees vir ankers
Wat tastend oor die bosse sleep
En nuwe bodems peil -
ek wonder, as die wolke seil,
Sy voortgedryf deur frisse winde,
Of jy nog aan dié dae dink, 
O welbeminde?

© I.D. du Plessis 

In : Afrikaans: Gedigte 


Tags: ek wonder of jy soms  afrikaanse gedigte  i.d du plessis