538. Boerius: Swerwer van die veld

Posted by Paul Joubert on Monday, September 28, 2015 Under: Afrikaans: Gedigte

As liefde eers in jou hart
kom nes skrop
en soos ‘n lente blomtuin bloei,
bly beddings tog nooit vergete
selfs al sou die winter ryp
die son opsluit
en jou siel se vreugde skroei.

Dan sit jy op die voorstoeptrap
En wals met gister se skim
Om deur koggels van vervloë vreug
weer fleur in beddings bring.

As liefde dan eers in jou hart
kom stil word
en die droom in grys verwelk,
sweef jou siel
oor skemer misvlae
as die Swerwer van die veld

In : Afrikaans: Gedigte 

Next post: Job
Previous post: As die aandwindjie

Tags: gedigte van 'n boer  boerius  afrikaanse gedigte 
« Back to posts

www.myvolk.co.za Logo

665 Moreleta Street, Silverton, Pretoria, Gauteng 0084, ZA | 079 219 6735