# Afrikanerhart - die Trekpad van 'n Nasie

Allerliefste Rooiborsduif 

Allerliefste, ek stuur vir jou 'n rooiborsduif

Want niemand sal 'n boodskap wat rooi is skiet nie.

Ek gooi my rooiborsduif hoog in die lug en ek

weet al die jagters sal dink dis die son.

Kyk, my duif kom op en my duif gaan onder

en waar hy vlieg daar skitter oseane

en bome word groen

en hy kleur my boodskap so bruin oor jou vel

Want my liefde reis met jou mee,

my liefde moet soos 'n engel by  jou bly,

soos vlerke, wit soos 'n engel.

Jy moet van my liefde bly weet

soos van vlerke waarmee jy nie kan vlieg nie. 

Breyten Breytenbach