Afval (4 Porsies)

1        pens

1        kop

4        pootjies

10ml  sout (2 t)

2ml    peper

6        naeltjies

500g  skaapnek

4        medium uie, in skywe gesny

50ml  asyn (4 e)

3ml    gerasperde neutmuskaat

6        medium aartappels, geskil en in helftes gesny

1/2     pakkie dik groentesop

Hou die pens heel want dit brand makliker aan as dit opgesny is. sit dit saam met die kop en pootjies, sout, peper en naeltjies in 'n dikboomkastrol, bedek met water en kook 2 to 3 uur lank stadig. Met die stoompat baie vinniger (1 uur). Voeg die skaapnek by en kook verder sag. Roer af en toe sodat dit nie aanbrand nie. Haal die bene uit, sny die pens in stukkies, voeg die ui, groentesop, asyn en neut by, sit die aartappels bo-op die vleis en kook stadig totdat die aartappels sag is. Indien stoompot gebruik word kan pens vooraf opgesny word.